YAKINIKU GREAT SOHO

營業中

休息中

今晚嚟到中環區嘅高質燒肉店，試下新嘢，呢度嘅價位定價絕對唔平，不過呢一間餐廳供應嘅日式和牛美食質素相當之高，絕對對得起呢一個價位。呢間日式燒肉餐廳，會有專人為你燒和牛，完全唔洗擔心自己嘅燒肉功力有幾甘差，亦都唔洗怕白白浪費咗件咁靚嘅和牛嫩肉。餐廳分別有三款唔同嘅套餐，我哋就order咗一個中間價位$980位嘅套餐。呢個中間價位嘅套餐會畀最貴嗰個套餐少咗五個前菜小食，但係都唔緊要，因為呢個套餐入面已經包含咗和牛裏面最靚嘅肉。我哋另外仲order咗沙律菜，非常鮮嫩甜美。燒肉嘅部位油脂分佈得非常平均，入口juicy之餘，仲帶有濃厚嘅牛肉味，而且有入口半溶嘅感覺，非常軟滑。餐廳還供應泡沫醬油，絕對係藝術之作。烤日本番薯，味道帶有清甜嘅感覺。就連牛肉漢堡都非常juicy，同埋烤完之後帶有一份惹味感。海膽非常新鮮鮮甜，配埋牛柳粒飯，美味好食。整體來講，餐廳供應嘅和牛質素非常之高，食得非常滿意。