舍利鮨 (已結業)

今日男朋友早放就帶咗我去元朗嘅舍利鮨度食omakase! 呢度啲食物全部都係新鮮食材，全部菜式都係因應當日嘅新鮮食材去提供！我哋今日就食咗個金目鯛壽司！佢非常之有光澤，咬落去亦都好有魚嘅鮮味！仲有個左口魚磯邊卷，非常晶瑩通透，簡直成嘅藝術品咁，同樣非常好食😋而一夜干香魚亦亦都好好食😋炸得好香脆好乾身，肉質非常之嫩滑！不得不提嘅係仲有呢個深海池魚壽司，非常之厚身不特止，仲要係魚腩嘅部位，充滿左池魚既油脂，完全入口即溶，齒頰留香！入口即溶嘅點止係呢個深海池魚壽司呀，仲有呢個中拖羅，佢雖然係野生吞拿魚，但係一啲都唔輸蝕一啲有機飼養既吞拿魚，一樣非常之肥美可口！食到我同男朋友都嘩嘩聲！