六本木茶房 (已結業)

今次我係同屋企人黎食既，我就叫左個牛扒餐，包埋個味噌湯、蕃薯抹茶紅豆雪糕、野飲，仲有個haagen dazs雪糕比你拎返屋企。首先講下塊牛扒先，本身我最期待既就係牛扒，但一食落覺得好普通冇乜特別，有d失望。個牛扒食落有d紉，而且我係叫8成熟，但食落似係6成或者7成。不過個sauce都幾好味既。個味噌湯都幾正，不過我個人覺得就咸左d咁。成餐令我最驚喜既係個蕃薯抹茶紅豆雪糕。抹茶加上紅豆好夾就係人都知架啦，成杯雪糕個底都係蕃薯，仲要個蕃薯係糖心既，唔會粉粉地咁好難食，所有野加起上黎真係好match超好食。食完個咁正既甜品仲有多個比你拎返屋企，真係好正!呢度既環境間隔好好，服務又ok，野食價錢又ok。下次經過既都會再幫襯。