凝香居

營業中

休息中

今晚嚟到屯門呢邊食飯， 我哋選擇咗凝香居呢間小酒樓食晚飯！餐牌各種點心， 清晰分類 ，我同朋友兩個人一共嗌咗六碟！率先登場嘅係鮑魚燒賣皇 ，三隻大大鮑魚燒賣啱啱新鮮出爐，蒸氣騰騰 ，影相嘅時候多咗一層霧氣， 燒賣味道適中，大大啖鮑魚好滿足！鮮蝦菜苗餃， 真係覺得呢個鮮蝦菜苗餃好好味 ，晶瑩剔透嘅皮包住菜苗同鮮蝦 ，賣相望落去好吸引 ！呢種皮好薄， 口感軟綿綿，配上鮮蝦同菜苗滋味到爆炸， 名正言順嘅皮薄餡靚，值得推薦！豉汁蒸鳳爪 ，呢個味道都適中， 冇市面上買嗰啲咁鹹。原隻鮮蝦腸 ，我真係超級鍾意食呢個鮮蝦腸，質素同酒樓冇分別。 一上菜 ，透明嘅皮就透出鮮艷嘅蝦嘅顏色， 我一向係好鍾意食腸粉嘅人 ，呢碟腸粉超出我嘅期望 ，腸粉柔軟而有彈性配埋鮮蝦， 一啖一嚿 ，勁滋味，我好鍾意食呀！桂圓蜜瓜花膠燉雞湯 一聽呢個名，就知道呢個湯好滋補，好養顏 ，好養生， 應該好多女仔都唔會抗拒飲呢個湯， 味道鮮甜， 又足料，蜜瓜，桂園，雞同花膠無一缺少！椰盅燕窩雙皮奶（熱）最後來都個甜品， 甜甜地， 香香地，炎炎夏日 ，可以品嘗咁滑溜嘅甜品 ，真係人生一大樂事呀！整體嚟講我覺得非常唔錯， 樣樣嘢都好好味，