爭鮮外帶壽司 (已結業)

收到「揞口費」之後，冇好似好多人咁樣走去慶祝，因為冇乜嘢值得慶祝，除咗去教堂做咗十一奉獻之外，另外又做咗小小慈善，其餘淨低嘅就留返喺屋企慢慢用我其實唔會食好多好嘢，清茶淡飯就ok，想食日本嘢，我當然去爭鮮！昨晚又外賣「爭鮮壽司」返屋企食。今次食「令和海鮮盛」，內有三文魚壽司三件、帶子壽司三件、花之戀壽司四件、北寄貝壽司三件、赤貝壽司三件、仲有酸薑同中華沙律！爭鮮嘅壽司飯係用機器，唔多人手所以乾淨，雖然用機器壓但係啲飯都唔會太硬，仲好有飯味都幾柔軟，配襯嘅魚生件都好新鮮好有魚味，都好有海鮮味。 花之戀仲正！配上係台灣式沙律醬 ，又甜又香又好味！一句講曬 👍🏻👍🏻 好味