令酒場 (已結業)

今日lunchtime多佐時間，即刻同同事黎呢度試下，一直被呢度居酒屋咁既裝修吸引住，入到黎真係好有feel，好似去佐日本咁呀！同事食溫泉蛋火山牛肉丼，牛魔王至愛！成碗都淨係見到滿滿既燒牛肉，非常重手，每塊厚薄適中，粉嫩既牛肉食落口係軟腍既，滲出陣陣牛味，肉香十足，加埋粘口新鮮既溫泉蛋，再配埋醬汁，簡直係一大享受呀😚我就食食角切魚生丼，食到有赤身、三文魚、劍魚腩、金目鯛、深海池魚、油甘魚同埋三文魚籽，角切更加食到魚肉新唔新鮮，魚肉肉質相對係厚實有口感啲，但都係好香魚既鮮味，亦食到應有既魚油，三文魚籽粒粒一咬就卜卜聲，新鮮到爆，質素超好🥰我地亦有叫到一客焦糖脆皮菠蘿，菠蘿真係燒到好脆，表面好焦香，一咬落去必晒啲汁出黎，超級清甜，爽甜甘香呀😋套餐包埋既沙律茄子同麵豉湯都好唔錯，絕對值得回頭呀！