影片
更多
2013-09-15
378 瀏覽
估唔到我既第一篇食評, 會係"數"一間我只係第一次幫襯既舖頭 ... (一直都覺得就算唔啱胃口, 唔再去食就可以啦, 留返條後路俾人地啦~口味依啲嘢 ... 好個人既啫)事緣某日喺紅磡買咗燈籠, 考慮到放工時間人多車多, 唔想因為迫人而壓爛心愛既戰利品, 所以決定先解決晚餐, 避開人流。然後, 見到依間舖頭舖仔細細, 又冇靚靚裝修, 位處既地段旺中帶靜, 閒日開飯時間附近都有好多食肆小貓3,4隻, 唯獨你, 竟然接近滿座, 而最特別既地方, 係收費一啲都唔平, 仲要加一, 會唔會係一間有待被發掘既隠世小店嚟呢~?喺門口睇MENU睇價錢順便望吓入面個女仔食緊咩咁滋味既時候, 有另一個女仔都同我一樣觀察緊, 原本喺店內既姐姐主動行出嚟, 話可以外賣架喎, 跟住個女仔就入咗去 ...... 見到個女仔睇咗一陣就去馬, 有番少少信心, 咁我都堂食啦。 拎住一個咁大既燈籠, WAITRESS指示我坐最入既BAR枱位 (因為間舖真係好細, 長條形, 一邊係OPEN KITCHEN, 另一邊有3X2張雙人枱, 2張BAR枱 (門口係落地玻璃打橫放咗一張BAR枱, 最入既BAR枱左邊就係雜物房同埋洗手
事緣某日喺紅磡買咗燈籠, 考慮到放工時間人多車多, 唔想因為迫人而壓爛心愛既戰利品, 所以決定先解決晚餐, 避開人流。然後, 見到依間舖頭舖仔細細, 又冇靚靚裝修, 位處既地段旺中帶靜, 閒日開飯時間附近都有好多食肆小貓3,4隻, 唯獨你, 竟然接近滿座, 而最特別既地方, 係收費一啲都唔平, 仲要加一, 會唔會係一間有待被發掘既隠世小店嚟呢~?
喺門口睇MENU睇價錢順便望吓入面個女仔食緊咩咁滋味既時候, 有另一個女仔都同我一樣觀察緊, 原本喺店內既姐姐主動行出嚟, 話可以外賣架喎, 跟住個女仔就入咗去 ...... 見到個女仔睇咗一陣就去馬, 有番少少信心, 咁我都堂食啦。
拎住一個咁大既燈籠, WAITRESS指示我坐最入既BAR枱位 (因為間舖真係好細, 長條形, 一邊係OPEN KITCHEN, 另一邊有3X2張雙人枱, 2張BAR枱 (門口係落地玻璃打橫放咗一張BAR枱, 最入既BAR枱左邊就係雜物房同埋洗手間), 仲主動叫我放啲嘢係隔離既椅上面, 話冇人會行過, 唔駛怕會阻到人 (抵讚位之一!!)。
坐低咗, 選擇困難症發作, 又睇吓其他人食咩參考吓先~ 係睇唔到既, 因為附近既枱都係啱啱坐低ORDER緊... 既然嚟到, 擇個中價既DINNER SET應該幾保險, 於是我擇咗香草海鮮黑松露意大利麵, 餐飲熱薄荷朱古力咖啡 HOT MINT MOCHA (平日例飲既熱檸水同黑松露唔係好夾, 不如試下特別少少既咖啡啦, 諗緊MINT LATTE定MINT MOCHA邊樣好, 但聽到隔離枱冇仔細諗就叫MINT MOCHA, 好, 照跟) (抵讚位之二!! 我諗咗咁耐都冇人催我)。 .............
等咗一陣, 先嚟意粉, 足料, 有一塊魚柳, 一隻青口, 三隻蝴蝶蝦, 賣相都唔錯, 份量一般 ......... 不過味道呢 ......... 魚同意粉都帶有輕微甜味, 好怪, 漿汁食唔出黑松露, 亦都睇唔出食唔出任何"香草", 意粉係OVERCOOKED, 漿汁同意粉既比例係OK既, 不過因為味道實在好怪好濃 (但唔係黑松露既味嚟), 所以多汁少汁口感如何份量幾多已經唔係重點, 我都只係勉勉強強咁完成佢唔好浪費 (我食咗好耐 ....... )
意粉食到一半既時候, WAITRESS主動上埋咖啡 (基本上只有3個員工, 一個廚, 一男一女兩個樓面), 上菜既時間都掌握得幾好。杯咖啡聞落去都OK, 有咖啡味同朱古力味。繼續食意粉先。 好不容易捱完個意粉, 諗住飲得杯落啦, 點知 ......... 薄荷淡到似有還無, 咖啡冇咖啡味 (只有苦味), 朱古力無可可味 (只有甜味), 飲到最後, 回甘薄荷味終於出到, 唉 .....
然後埋單, 盛惠$103, 我俾咗$110, 阿叔找返$4俾我 (士多式既方法, 親手將兩個$2 COINS放到我手掌), 咦.......... 好似唔啱數喎, 我唔介意俾貼士, 但我介意我係咪自願囉, 最後, 我係冇俾貼士。結論, 依間舖, 服務一流, 不過咁既地區咁既出品唔值依個價, 味道方面絶對有需要改善。
張貼
