影片
更多
2022-07-16
563 瀏覽
2022年7月15日 晴因為今日見完工返到屋企，係到諗食咩時候，就忽然間好想去食壽司，所以就叫左路人甲渣車出去搵壽司食，本來搵左間，但因為我地冇book位，所以冇位了，呢間我下次會book位試食，睇下係未真係咁好食。講返正題，路人甲話山田家個門面唔錯，想試好耐，不過驚太貴，所以一路都冇諗住去食，咁我再去睇個價錢牌，都唔係好貴，就入去啦。因為我地入去既時候已經20:30，我見到佢地個牌係寫21:00就last order，所以我地拿拿臨就叫野食 ～叫左食物如下：壽司： 三文魚、吞拿魚、親子卷、三文魚腩、甜蝦、北寄貝、帶子、海膽手卷：軟殼蟹壽司黎講，冇乜特別野，都係好過爭鮮，但一定冇壽司郎咁好食，但總算合格，我都係食得曬所有壽司。不過海膽真係唔算新鮮，怕腥既人應該就食唔到佢地既海膽喇，不過軍艦有樣幾好，就係佢地既紫菜係脆架，所以我食得好開心🤣手卷黎講，我係冇食既，但路人甲話佢炸得好脆，醬唔係太多，好好食。一品料理： 海鮮石鍋烏冬、菠菜玉子、雞肉茄子一品料理方面，個烏冬係推介，雖然依家天氣好熱，但係我都係鍾意食熱野，個湯唔太鹹，同個烏冬有d味岩岩好。菠菜玉子就俾我想像中既淡，可能係冇芝士既加
因為今日見完工返到屋企，係到諗食咩時候，就忽然間好想去食壽司，所以就叫左路人甲渣車出去搵壽司食，本來搵左間，但因為我地冇book位，所以冇位了，呢間我下次會book位試食，睇下係未真係咁好食。
講返正題，路人甲話山田家個門面唔錯，想試好耐，不過驚太貴，所以一路都冇諗住去食，咁我再去睇個價錢牌，都唔係好貴，就入去啦。
因為我地入去既時候已經20:30，我見到佢地個牌係寫21:00就last order，所以我地拿拿臨就叫野食 ～
叫左食物如下：
壽司： 三文魚、吞拿魚、親子卷、三文魚腩、甜蝦、北寄貝、帶子、海膽
手卷：軟殼蟹
壽司黎講，冇乜特別野，都係好過爭鮮，但一定冇壽司郎咁好食，但總算合格，我都係食得曬所有壽司。不過海膽真係唔算新鮮，怕腥既人應該就食唔到佢地既海膽喇，不過軍艦有樣幾好，就係佢地既紫菜係脆架，所以我食得好開心🤣
手卷黎講，我係冇食既，但路人甲話佢炸得好脆，醬唔係太多，好好食。
一品料理： 海鮮石鍋烏冬、菠菜玉子、雞肉茄子
一品料理方面，個烏冬係推介，雖然依家天氣好熱，但係我都係鍾意食熱野，個湯唔太鹹，同個烏冬有d味岩岩好。
菠菜玉子就俾我想像中既淡，可能係冇芝士既加持，所以就爭左少少。
最後就係雞人茄子，呢個就有偏鹹，食完要瘋狂飲水，所以我最後冇食曬 （當然係因為我細食所以冇食曬😂）
食物總結：所有食物不過不失啦，未去到超伏，不過如果有其他好既選擇，佢就唔會係第一選擇，所以我覺得可以食，但唔係第一間就會揀佢喇。
店鋪環境係ok，但侍應係有d嘈，可能係老細自己友掛，所以佢地傾計傾得好大聲，呢個係扣分位，但裝修係靚既。
張貼
