樂園牛丸大王 (已結業)

都幫襯左呢度十年有多，水準與當年都分別不大，仲不時有新產品推出tim！同個同事來食麵，叫了兩碗淨魚麵，一碗淨紫菜四寶同一碗淨牛筋丸。魚麵仍然有水準，好似條狀的魚蛋一般，好彈牙好味道。份量方面個人覺得OK，又無「芽菜多過麵」的問題，淨買魚麵七十幾蚊斤，呢度點都有三、四兩卦？紫菜四寶仍然有水準，牛筋丸有咬口，亦有濃郁牛肉味，非一般麵粉牛丸可比。連飲品埋單八十幾，比起十蚊碗麵的當然係天文數字，但個人覺得食物有水準，還是值得一吃的。