茶木‧台式休閒餐廳 (已結業)

新年期間，好多食店都無開，又唔想留係屋企食，咁就黎左新元中新開嘅茶木試下，等左個半鐘先有位，認真誇張！等等等，睇定餐牌先，甜品依然吸引，都係要叫番個。終於有位，坐係路邊嘅一張兩人枱，都算幾濶。餐具幾乾淨點完菜會送上呢個，幾cute又唔使驚張單周圍飛。蘋果黑莓花茶 ($32)蘋果同黑莓味較淡，倒是飲到啖啖玫瑰花茶味。香蕉巧克力冰淇淋 ($32)好重香蕉味，朱古力味不濃，雲呢拿味雪糕幾滑，但整杯野極甜。古早烤香腸肉燥飯 ($58)肉燥半肥瘦帶有香菇，調味不錯，煎得香脆的台灣香腸好好味，唯份量較少。黑糖紅豆綠茶冰淇淋層層疊 ($70)最期待嘅甜品到了，賣相不錯。層層疊原來唔係平時個隻蜜糖磚，無左麵包邊得返中間啲麵包心，甜甜的好食。雪糕綠茶味唔重，紅豆好綿好甜，幾好食。個半鐘進食時間其實都夠，食左一個鐘倒咋，見出面仲係咁多人等位，早啲讓返張枱出黎。