金水壽司 (已結業)

夜晚7點幾8點鍾左右同男友方先生經過,方先生想食日式食物,於是就入去啦!!以為唔係放題/任食ge店子,食品一定唔會差得去邊喇!點知就出事啦2口子選擇坐迴旋檯,貪可以見到咩心水都可以直接拎,但坐左30分鐘,喺我地面前經過ge唔係空碟就係嗰d齌望住佢都知佢轉左唔知幾多個鍾ge壽司!! 都算喇,叫d燒物之類ge野食下啦... ...但都唔好食,個牛柳粒仲硬過牛皮,叫手卷,點知紫菜唔止淋仲有陣up味;愈食愈成肚火,愈食愈冇胃口即係咁..... 真係唔好話我毒,以同區黎講,大家ge價錢都係咁上下,你又唔係做得好過人,個個客都可以食到鞋口鞋面ge... ...你都好難再企得住!!!埋單:300多元~ ~ 同區有價錢差唔多的,但比佢好食,仲要係放題的... ... 唔係冇!!!!選錯左真係選錯左