薩莉亞意式餐廳 (新都城大廈) (已結業)

四個人食到好似去buffet咁，再叫埋枝竟然又not bad嘅白酒，埋單都只係一百鬆啲一位。甜蝦沙律，醬汁搭究，沙律菜爽脆，無問題。海草，西湯，雞翼，蒜蓉包都無問題。個風乾火腿咁嘅價錢，你仲想點，咸味係重啲的。煙肉波菜無汁，寡咗啲。另外有個菇西蘭花落鹽就重手得滯。燒魷魚我唔係好記得肉醬我不吃牛，但朋友叫咗兩款多利呀都清哂碟。白汁意粉除了不夠咸要自行加鹽外都無乜投訴。紅汁蕃茄意粉唔落茄汁就真係無乜味了。