影片
更多
2021-08-30
158 瀏覽
今日同屋企人去咗食晚市 三個人所以一共嗌咗三個主食，另外叫咗一個Pizza share同埋一個濃湯🍲入到去餐廳環境坐嘅空間都幾闊落，但因為人比較多所以都比較嘈雜，坐得舒服定係傾偈就唔太適合了。首先上咗個龍蝦濃湯，好似都要七八十蚊，唔係好記得🤔但真心好好飲！非常之濃郁而且龍蝦肉都俾得唔少，鍾意食龍蝦嘅真係必點，下次有機會再嚟想飲湯嘅話一定會再嗌！（唔記得影相🤣）然後到嘅就係pizza，上到嚟熱辣辣啲芝士仲流緊，一樣係份量比得好足，風乾火腿有好多塊，而且超好食！軟硬適中，唔會太脆或者太冧，係真係好好食！必點！然後我自己就要咗卡邦尼意粉，醬汁係偏濃郁重蛋黃味嗰種，比較結身唔係水水地嗰種汁。但個人覺得佢意粉偏硬同埋粗，唔係個個鍾意～我就麻麻哋，但絕對唔係難食嘅！有一定水準老竇點左羊架，分量OK但係味道就純粹不過不失，真係冇乜特別娘親就嗌咗牛扒，呢個就真係有點失望😞明明嗌咗五成熟嚟到差不多八成熟，feel到舊扒本身質素唔差，所以真係幾可惜。其實羊架都有同樣問題，明明冇嗌咁熟嚟到都係偏熟🤔所以相信都唔係個別問題😫最後真係要講一講，呢間野所有菜式嘅調味都偏鹹，平時我已經好食得鹹，但我食呢餐真係瘋狂飲
入到去餐廳環境坐嘅空間都幾闊落，但因為人比較多所以都比較嘈雜，坐得舒服定係傾偈就唔太適合了。
首先上咗個龍蝦濃湯，好似都要七八十蚊，唔係好記得🤔但真心好好飲！非常之濃郁而且龍蝦肉都俾得唔少，鍾意食龍蝦嘅真係必點，下次有機會再嚟想飲湯嘅話一定會再嗌！（唔記得影相🤣）
然後到嘅就係pizza，上到嚟熱辣辣啲芝士仲流緊，一樣係份量比得好足，風乾火腿有好多塊，而且超好食！軟硬適中，唔會太脆或者太冧，係真係好好食！必點！
火箭菜風乾火腿Pizza
1 瀏覽
0 讚好
0 留言
然後我自己就要咗卡邦尼意粉，醬汁係偏濃郁重蛋黃味嗰種，比較結身唔係水水地嗰種汁。但個人覺得佢意粉偏硬同埋粗，唔係個個鍾意～我就麻麻哋，但絕對唔係難食嘅！有一定水準
卡邦尼意粉
2 瀏覽
0 讚好
0 留言
老竇點左羊架，分量OK但係味道就純粹不過不失，真係冇乜特別
羊架
2 瀏覽
1 讚好
0 留言
娘親就嗌咗牛扒，呢個就真係有點失望😞明明嗌咗五成熟嚟到差不多八成熟，feel到舊扒本身質素唔差，所以真係幾可惜。其實羊架都有同樣問題，明明冇嗌咁熟嚟到都係偏熟🤔所以相信都唔係個別問題😫
牛扒
1 瀏覽
0 讚好
0 留言
牛扒
2 瀏覽
0 讚好
0 留言
最後真係要講一講，呢間野所有菜式嘅調味都偏鹹，平時我已經好食得鹹，但我食呢餐真係瘋狂飲水。
總結：有超好食，伏嘢都有，睇菜式～
張貼
