點心到 (廟街)

營業中

休息中

宜家多咗好多點心小店，全日都可以食到茶樓點心，連夜晚都可以食到，啱晒朝早起唔到身去茶樓嘅我。廟街「點心到」價錢合理，質素唔錯嘅好選擇。因為唔想等位，所以我選擇外賣，有9折，total $90 幾，食咗四款點心，一個人食，足料又夠飽。糯米雞：大件足料，入面有大大粒火腿肉，雞件。食完一件都已經半飽。蝦餃：有 4件或兩件選擇，我一個人所以叫兩件就夠。蝦肉都幾爽。黑金流沙飽：黑色+金面，幾精緻，奶黃餡幾香，味道適中唔太甜。但可以因為外賣關係，食嘅時候已經凍咗，冇咗流沙嘅感覺。义燒腸：义燒都唔少，腸粉幾滑。總括，呢間質素唔錯呀～ 款式又多，會再黎幫襯，下次試埋其他點心。