翠華餐廳 (已結業)

星期二同朋友又去新蒲崗上堂,我地又要搵食,因果日天氣好熱,我就話想食d冇咁熱既嘢,行下行下朋友就話不如去翠華,因為夠大又夠冷氣,坐得舒服一些,在翠華對面見到又另一間茶餐廳,朋友話都好味的,不過我地想坐得舒服一點所以最終都係選擇左呢度.食物既選擇都有好多的,我們分別都叫左唔同既嘢,我叫左咖喱雜菜蛋飯,朋友叫左海南雞飯,另一個則叫左魚腐墨丸河,海南雞飯好快就嚟,因我地坐正係個出咖喱及海南雞飯counter前面,賣相都好吸引喎,有一碟三小格的醬汁及酸菜,一碗白飯,一碟雞,一盅湯,朋友俾左件雞我試,都好滑喎,好味.朋友好肚餓所以成份食晒好飽.我的咖喱雜菜蛋飯,份量都唔少架,一碟飯,一碟咖喱,賣相都好靚架,有隻太陽蛋放係面,隻蛋煎得好靚呀,另外,咖喱的配菜都好多,有西蘭花,矮瓜,蕃茄,薯仔等等,咖喱汁好香濃,都幾辣的,不過同埋d飯一齊食就冇咁辣,我都好開胃呀,食晒成碟飯,但食完個口充滿咖喱味道.另一個朋友的墨丸魚腐河粉都有四粒墨丸,四件魚腐的,份量都唔算少,賣相都吸引,個湯係魚湯奶白色的,好似好好味咁.我地一路食一路傾計,唔使趕住走.