自家烏冬 (已結業)

幾乎近幾次同朋友慶生都去呢間自家烏冬，呢排大家都忙，只可以夜晚係屋企附近食餐飯慶祝生日。店舖不大，只有大約十來張枱，今次可以坐係近門口、唯一一張同其他枱距離較遠既卡位，平日晏就有好多中學生，食完要嗱嗱林走讓個位比人，但今次去到已經幾夜，人流唔多，叫左一枱野食可以慢慢食。我地三個人叫左三個餐，都要炸物配湯烏冬。烏冬都幾滑，湯底夠清，啱啱好可以去除天婦羅同吉列豬排既油膩。食完同朋友飲啖淡淡既綠茶，清下腸胃，傾下計，又係一個愉快既晚上。