Jamie's Italian (已結業)

原來Jamie's Italian唔經唔覺已在香港四年，大鄉里嘅我竟然未去過老婆大人知道即刻訂檯同我去食，原來餐廳做緊意式薄餅任食的Pizza Party推廣＄168/位好鬼抵食啱晒我個黑洞！餐廳有足球機玩又幾盞鬼喎！整杯白酒嘆下先，任飲餐酒及雞尾酒都係比多＄168/位抵啦！任食薄餅套餐仲有4樣前菜，Seasonal Salads係水牛芝士蕃茄沙律你去食或者唔同架，老婆大人最鍾意叫我食蕃茄對男人前列腺好好喎好彩我都晤討佢！Rocket & Parmesan Salad有好多火箭菜最啱老婆大人！ Chunky Italian Nachos係炸咗嘅意大利雲吞，香口嘢冇人唔鍾意囉！個汁辣嘅所以咪攪阿叔！最鍾意係蒜蓉包外脆內軟又夠臭啱晒我！ 到今日嘅主雀出場，好客氣咁一字排開列隊迎接我哋，唔好意思幾客氣都好都係要食你哋！薄餅有7款揀有風乾火腿、辣肉腸、羽衣甘藍、菇菌、辣椒同芝士，唔好話冇樣啱食呀！我呢最鍾意呢個The Parma，入面有風乾火腿、火箭菜同巴馬臣芝士鹹脆甘香好好食！ 老婆大家鍾意食意粉，我都唔孤寒叫個香噴噴嘅綠油油嘅蟹肉意粉佢嘆吓！好有中國菜風味嘅意粉因為係類似芫茜嘅味！最後黑醋