串王之王 - 正宗成都串串火鍋 (已結業)

因為好掛住大陸啲串串，所以就搵到依間任食試吓。估唔到食物質素都幾高，選擇又多，值得再encore！一入座首先會免費送碟青瓜😋我哋叫咗鴛鴦湯底，嗌左藥膳同麻辣，一辣一唔辣中和下。其實佢個湯幾足料好濃，藥膳嗰邊真係見到好多藥材同好大藥味！主菜！佢除咗串串仲有好多一碟碟嘅嘢俾你揀。會不定時咁出新野。魚皮超級好食，仲有佢嘅牛都好正！串串方面我覺得雞軟骨，同埋五花肉都好食，仲有我嘅至愛麻薯丸。我哋咁啱咁好彩搶到啲新鮮海鮮，佢嘅蝦真係勁好食！不過一轉就冇再見到佢出。仲有好多唔同野飲可以揀，唔同嘅紙包飲品，可樂汽水，椰奶。