影片
更多
2023-08-23
2296 瀏覽
旺角可以話係美食天堂，但有好多高質食肆都係喺商業中心上面，呢間火鍋放題喺兆萬中心上面，食物用料都好高質，主打四合一放題，一次過試晒刺身、雞煲、火鍋同韓燒🔥，選擇超級多！今次午市過去，個場都唔會話好爆，主要用QR code落單，啲嘢食嚟得好快又齊，冇漏單嘅情況！外面仲有個自取區，可以自己拎啲蔬菜或者串燒返去，出面嘅食材拎返去打邊爐又得，擺落去燒烤都得，幾好玩！下次同朋友聚會諗唔到食咩，可以嚟呢度試吓，一次過滿足晒唔同口味，值得一去！🤩餐廳人手比較少，收碟嘅速度相對較慢，啲碟長時間都會擺咗喺枱上面冇人理，但以呢個價錢嚟講，性價比依然好高！------------------------------👑◖經典中日韓任食◗ $258佢嘅飲食套餐都有唔同選擇，可以淨係要雞煲或者淨係加刺身，切合返唔同顧客嘅口味～呢個價錢已經食到比放題更加多嘅食物種類，午市時段去更加抵食！▪️ 湯底🥘湯底有比較清淡嘅火鍋湯底，或者比較重口味嘅鍋底，今次揀咗個濃湯花膠雞煲🐓，鍋底都幾足料，有幾大塊口口嘅花膠，同埋半隻清遠雞去熬煮，肉質都唔算乾柴，頗有雞味，膠質十分之豐富！如果揀食重慶雞煲嘅朋友仔，仲有得無限添加雞件，可
餐廳人手比較少，收碟嘅速度相對較慢，啲碟長時間都會擺咗喺枱上面冇人理，但以呢個價錢嚟講，性價比依然好高！
------------------------------
👑◖經典中日韓任食◗ $258
佢嘅飲食套餐都有唔同選擇，可以淨係要雞煲或者淨係加刺身，切合返唔同顧客嘅口味～呢個價錢已經食到比放題更加多嘅食物種類，午市時段去更加抵食！
▪️ 湯底🥘
湯底有比較清淡嘅火鍋湯底，或者比較重口味嘅鍋底，今次揀咗個濃湯花膠雞煲🐓，鍋底都幾足料，有幾大塊口口嘅花膠，同埋半隻清遠雞去熬煮，肉質都唔算乾柴，頗有雞味，膠質十分之豐富！如果揀食重慶雞煲嘅朋友仔，仲有得無限添加雞件，可以真係食到過癮！
▪️ 刺身類🐟
今次揀呢個任食套餐包咗刺身任食，刺身款式一啲都唔劣，竟然有赤蝦🦐同埋珍寶帶子，在加平時放題比較常見嘅款式，好似三文魚、赤貝、馬刀貝嗰啲，食落都鮮甜彈牙～幾欣賞佢個三文魚刺身夠厚切，油光滿滿✨，望落好新鮮彈牙，食落去食得出魚油嘅甘甜；馬刀貝同赤背都好爽脆鮮甜，整體刺身都幾有水準，係回本首選！
️▪ 肉類🍖
雞牛羊豬都有超多選擇，幾欣賞佢個澳洲M3和牛，淥完之後軟腍有肉味！除咗平時食開嘅火鍋配料，佢仲有得叫大元貝、香草羊架、牛仔骨呢啲拎去燒，出面仲有得自己拎啲雞肉串、牛柳粒去燒～火鍋配料方面，個人覺得可以試吓佢哋個牛肉、黃沙豬膶、鮮蝦、卜卜蜆，都幾高質，整體火鍋都係正常發揮～另外仲可以拎啲火鍋配料去燒烤，發揮自己個小宇宙，拎啲蝦去燒都唔錯，幾好玩！🤣
▪️ 配料🐖🥬
蔬菜類配料大部份都係出面自己拎，有油麥菜、皇帝菜、娃娃菜、萵筍呢啲常見款式；仲有唔少配料好似丸類、豬牛雞嘅內臟個位都幾齊，每個類別可以揀嘅嘢都好豐富！
▪️ 甜品🍮
佢呢度嘅甜品選擇就相對失色咗少少，只係得雪糕杯，但口味都幾多嘅，當日就有士多啤梨、海鹽、伯爵茶、朱古力同咖啡味～
🌟 Encore指數：8.9/10
張貼
