平昌

營業中

休息中

今日同幾個朋友興起去食韓燒，就唔打唔撞上左去平昌。上到去個環境都好韓式，鐵筒凳，下面又可以放袋唔怕吸味。一坐低店員就已經倒蛋漿，可能都要一段時間先熟。任食韓燒呢個價錢黎講真係算好多野食。有豬、牛、雞之外，佢地仲有海鮮，好少韓燒店會有海鮮燒，而種類都幾多。最鐘意就係佢個烤蝦同埋烤鰻魚。烤蝦佢入面會加左芝士，當烤熟左隻蝦中間芝士就會溶，陷入左蝦肉入面，好香好好味。而蝦係好大隻，啖啖肉👍🏻鰻魚應該本身都熟熟地，自己再烤番熱佢，加埋白飯真係一流。鰻魚質素亦都唔錯，厚肉，調味亦足夠，配埋白飯一流。韓燒當然唔少得五花肉啦，我特別鐘意薄切五花肉，好快就燒好，唔會好厚，不過要小心火候，唔係好快就變炭。佢地唔同種類嘅肉都好有質素，冇雪藏冰鮮味。另外爐邊蛋隔離有迷你甜薯，超級香甜，可惜冇得添加。而期他配菜例如辣椒、蒜頭片都可以自己要幾多拎幾多。除左燒肉，佢地亦有好多韓式小食。我地都試左好幾樣，炒粉絲、海帶湯、豆腐辣湯、泡菜湯同土什錦飯。佢每樣份量都唔係細，一個正常石頭鍋size,不高可能半滿。每一樣都好有水準，同出面食韓國小菜一樣質素，好足料，味道好，好有驚喜。豆腐辣湯比泡菜湯辣，海帶湯好香麻油味。亦有茶