食雞

營業中

休息中

最近聽好多朋友介紹呢間雞煲火鍋，話入面好多嘢食，而且雞煲份量好多好高質，咁一於今日約埋幾個朋友嚟試吓啦。一去到已經見到好多客人，所以佢呢度應該要book位㗎。因為鍾意食辣，所以就叫咗個辣嘅雞煲，估唔到小辣已經好香，不過食落唔會太辣，大人小朋友都食得。呢度嘅雞真係非常出色，佢嘅雞肉好嫩滑，就算煮好耐好入味，都唔會太老，應該係新鮮雞。食完雞煲之後，佢仲可以加湯打邊爐，雖然食完雞煲已經好飽，但係我哋都試咗少少佢嘅火鍋材料。另外呢度仲有好多唔同類型嘅炸物，款式仲多過放題，我自己就認為佢嘅炸雞翼非常高質，炸到外脆內嫩，小朋友都爭住食。呢間餐廳嘅雞真係非常高質，無論係雞煲定係炸雞都嫩滑過出面嗰度好多，唔怪得呢間餐廳叫食雞啦。呢度嘅飲品係自助形式，而且加$10仲有啤酒任飲，我見到仲有好多蘋果酒同埋比較高質嘅啤酒，不過今日因為要揸車同照顧小朋友所以就冇飲啦呢間餐廳又平又抵食，唔怪得咁多人介紹啦。