花居酒屋 (已結業)

鰻魚壽司鰻魚外脆內嫩，醬汁微甜香口。火炙三文魚腩壽司三文魚腩油潤，入口即溶，油而不膩。軟殼蟹牛油果卷上面有牛油果同蟹籽，淋上沙律醬，飯卷包裏住紫菜、青瓜絲同軟殼蟹，酸酸哋又fresh，口感清爽。日本南瓜天婦羅。香脆嘅外皮包住清甜軟滑嘅南瓜，蘸蘿蔔蓉拌勻嘅特製醬汁嚟食，鹹鹹甜甜咁，口感味道都唔錯。炸雞軟骨外表酥脆乾身，雞軟骨有嚼口，味道唔會太鹹。一口芝士外皮同樣炸到好香脆，相對比較油膩，芝士香濃軟滑。七味燒雞腎質地乾咗啲，味道亦略嫌唔夠香口惹味。汁燒蘆筍牛肉串同鹽燒黑豚腩亦比較乾身，但係香口，味道亦可以。原燒牛舌則爽口甘香又入味。和風炒野菜炒椰菜同菇菌，上面鋪上木魚，味道豐富咗不少。