川公所 (已結業)

是日過開嚟倒數，諗住拿拿聲食完過去就是但搵咗間餐廳食，佢又真係上菜快🤣次次見到炸饅頭都抵唔住誘惑，呢個size唔錯細細件，幾脆點煉奶一流，不過八件兩個人食係太多。青椒雞軟骨雖然雞軟骨未至於好脆，但係幾惹味，青椒都多但唔會多到太過份，同雞軟骨一半半咁嘅份量酸菜魚叫咗少辣，直情唔辣🤣魚份量都算係多，配料仲有金菇，豆皮，芽菜咁，如果係寬粉就好喇。仲有個皮蛋唔記得影，又係多到傻，食落覺得係有兩隻皮蛋咁多，味道唔錯，係底部比較多紅油。