影片
更多
2024-08-26
566 瀏覽
我平時都唔會點寫食評，唔好食都只係自己記住唔會再二訪，但今次想勸世唔好去食🙏🏻一直都知道呢間餐廳，見佢豆腐撈米線咁有特色，決心要搵機會嚟一試。當日我放工大概7pm入座，餐廳7-8成滿，有4個樓面（睇唔到廚房有幾多人）用QR code落單，眼見豆腐撈米線話售罊，唯有叫其他，下次再嚟食啦。叫咗招牌魚腐米線豬骨湯，再加多份通菜，扣底。到碗麵嚟到，我一夾⋯麵呢？？？我夾起所有麵，先勉強有兩啖嘅份量⋯（唔係兩大啖）🫠🫠 可能我對扣底有誤會，冇諗過扣到咁少⋯所以提醒各位女仔，即使細食都好，千祈唔好扣底！！另外就想講佢魚腐，係幾足料，比咗5嚿。但一吞，啲骨大嚿到⋯係食到唔夠膽吞，驚啃親⋯豬骨湯底 = 滾水+少少鹽 + 少少花奶調色，完全冇味，係滾水米線😂😂😂同期趣事：一邊食一邊聽到餐廳不停漏單、出錯單，客坐低堂食一直都冇QR Code落單（講緊間舖唔算特別滿，又算多樓面幫手？）有客堂食等得太耐，應該都超過20mins，奶茶都飲晒碗、麵都未到，問完先知廚房冇收過單😂😂 本人係好支持小店的，但今次食物質素真係唔太好，希望店舖會收聽意見改善下啦🙏🏻
一直都知道呢間餐廳，見佢豆腐撈米線咁有特色，決心要搵機會嚟一試。當日我放工大概7pm入座，餐廳7-8成滿，有4個樓面（睇唔到廚房有幾多人）
用QR code落單，眼見豆腐撈米線話售罊，唯有叫其他，下次再嚟食啦。
叫咗招牌魚腐米線豬骨湯，再加多份通菜，扣底。到碗麵嚟到，我一夾⋯麵呢？？？
我夾起所有麵，先勉強有兩啖嘅份量⋯（唔係兩大啖）🫠🫠 可能我對扣底有誤會，冇諗過扣到咁少⋯
所以提醒各位女仔，即使細食都好，千祈唔好扣底！！
另外就想講佢魚腐，係幾足料，比咗5嚿。但一吞，啲骨大嚿到⋯係食到唔夠膽吞，驚啃親⋯
豬骨湯底 = 滾水+少少鹽 + 少少花奶調色，完全冇味，係滾水米線😂😂😂
同期趣事：一邊食一邊聽到餐廳不停漏單、出錯單，客坐低堂食一直都冇QR Code落單（講緊間舖唔算特別滿，又算多樓面幫手？）
有客堂食等得太耐，應該都超過20mins，奶茶都飲晒碗、麵都未到，問完先知廚房冇收過單😂😂
本人係好支持小店的，但今次食物質素真係唔太好，希望店舖會收聽意見改善下啦🙏🏻
魚腐米線
12 瀏覽
0 讚好
0 留言
張貼
