C2 Kitchen (已結業)

森美少有開名介紹食店，當然要試下，可能新開加森美介紹過，用餐當晚差不多滿坐。開頭飲完湯，個湯都唔錯，唔係罐頭湯加粉加水，但之後嘅闊條麵同豬扒就伏了，飲完湯先係等左二十分鐘至出闊條麵，好大碟呀⋯⋯隻碟，碟麵份量係下午茶份量，三注食完，薄安格斯似牛肉乾，最重要係所謂手工麵，竟然仲差少少先熟透🤢 但同行朋友點既黑毛豬仲未到，於是我地再追單，女店員答覆係，我地叫嘅係慢煮黑毛豬，需時耐D，🤨當經過四十分鐘，我地已經忍無可忍再追，同樣答覆慢煮要耐D，我地忍唔到真係要爆，個慢煮究竟係煮法定係過程？🤬之後終於廚房答一分鐘出到，如果只睇賣相，佢賣嘅價錢係合理，不過要等超過四十分鐘，加上黑毛豬可以煮到咁「鞋」口，水準同連鎖店一樣，所以先夠膽話中伏！另外睇左幾個食評都提到女店員嘅服務，我地用餐當晚有一位疑似老闆娘嘅女店員，佢同朋友吹水多過做野