桔梗 (已結業)

今日出開旺角，見人氣食堂桔梗竟然未Full. 可能係公眾假期啦，十二點半都只係得幾枱客。店員話一點幾兩點先會正式開始旺場。焦糖窩夫配雪糕 （不設後上） （$78）因為不設後上，所以甜品竟然係最早到😂牛角包窩夫有驚喜，切住舊窩夫但口感係牛角包。配上焦糖醬、清新蘋果碎、朱古力雪糕，冇得輸。明太子鍋燒烏冬配炸吉列和牛($168)第一個主食，好大舊明太子鋪左係烏冬上面呀！仲有唔同類型嘅日式卷物,炸得都好食。明太子放落湯度，有種辣辣地，但係好鮮甜嘅味道，想飲晒啖湯。炸吉列和牛肉質好滑嫩，有三嚿，份量唔多。炸粉好薄，好酥脆。不過要用刀再細，入口會易食啲。日本a4黑毛和牛肉燥飯/配溏心蛋 ($88)從來冇諗過和牛都可以做肉燥！配上日本珍珠米，係好新鮮既味道。醬汁近似黑醋豬軟骨果種多啲，酸甜味濃。糖心蛋簡直係呢碗飯嘅靈魂，每啖飯撈埋個醬同配菜，好滋味。桔梗以環境同空間感見稱，場地好大，樓底超高。用左好多木傢俬同埋植物，加啲工業水泥灰同黃燈襯托成件事，好Chill. 枱同枱之間嘅距離都舒服，好適合一大班人喺度聚下。仔細睇飾物櫃的話，都會有好多小發現㗎。