上泰

營業中

休息中

住左青衣幾年，總係覺得得青衣城既連鎖店稍為有啲質素… 前兩日經過涌美，開心到好似發現新大陸咁，竟然有我至愛既泰國菜！呢間叫上泰既泰菜餐廳個門面新裝修，感覺簡單又chill! 仲見到埋入面個泰廚，好似好正宗咁，當堂覺得要入去試試！入到去無失望！平時食開既泰菜都有今次兩個人叫左生虾，半隻海南雞，燒豬頸肉，一串牛一串雞，同泰式炒通菜，仲有兩個油飯。生虾一黎到就十秒十KO左！好新鮮！連相都影唔切 串燒又熱辣辣第一時間放入口，完全唔記得影相… 啲沙嗲非常唔錯！其實最開心一樣野係唔洗再特登去九龍城食泰菜喇，呢度既野食都係咁抵食！見到隔離既咖哩同蒜容包好似好正咁，下次再黎試埋先得！