漁不老烤魚雞煲火鍋 (諾士佛臺) (已結業)

近年周圍都多咗好多烤魚同酸菜魚既餐廳，同朋友一齊Happy hour 之後即興約食飯，諾士佛台呢間川菜夠哂抵食，因為二人餐已經包含酸菜魚、烤魚、麻辣雞煲、椰子雞煲、小龍蝦當中2樣主菜，再加上前菜、騸牯牛、海鮮拼盤及蔬菜拼盤及配料，咁豐富真係飽過食放題，而且用料都幾新鮮，眼闊肚窄嘅我最後都食唔哂打包咗，證明份量真係好驚人騸牯牛 +頂級黑毛豬肉卷手切騸牯牛，厚薄適中牛味香濃肉質嫩滑，比平時食的安格斯肥牛更有嚼勁，黑毛豬脂肪分布平均，口感亦軟滑麻辣小龍蝦十五十六好耐，選擇困難唔知揀酸菜魚定係小龍蝦好🧐太耐冇食小龍蝦好驚喜，唔算好辣之餘好入味，仲有大量芫荽、花椒八角，調味幾有層次，蝦肉爽口彈牙，而且處理得好乾淨，雖然冇認真數，估計最少都有20隻，份量好足麻辣雞煲雞煲幾香濃，仲有驚人份量的芫茜‼️多到睇唔到啲雞😂雞煲質素都唔錯，香氣十足，食到咁上下，再加上濃湯打邊爐，淥返碟靚牛，加埋手工餃子、萵荀及蔬菜，真係好滿足海鮮拼盤因為主要提供新鮮海鮮，所以會視乎時令提供唔同種類，今次食咗扇貝、鮑魚、海蝦及花甲，整體來講都好新鮮，套餐性價比十足—————————————————漁不老烤魚雞煲火鍋 (諾士佛臺