Joe Bananas (已結業)

Office近告士打道，灣仔多offices，lunch時段往往好多人又逼住曬，有次男友介紹我去呢家食lunch。去過兩次，感覺都唔錯。環境方面，由於佢本身係一間bar，而且係盧押道呢d比較偏的位置，lunch時段都唔會太多人。裝修ok，地方也夠闊落。Lunch sets大約有10款，全都是$69，仲可以包一杯紅/白酒(當然，好多office都唔希望員工lunch time飲酒既)。第一次叫左個burger，第二次個set已經唔記得左叫咩名(d set的名都幾難記)。第一次叫的burger真係份量十足，一個女仔係唔會食得曬的。味道唔錯，都算juicy，而且d薯條都好脆，不過食左一半已經好飽了~第二次叫的set的味道幾特別。用兩個muffin做底，上面有菠菜同埋ham，最頂仲有隻半熟的蛋。賣相幾靚。味道方面，幾樣材料都好match，菠菜夠healthy，而蛋亦好滑。今次的份量剛剛好，唔會浪費食物。服務都算唔錯，lunch去食亦都唔需要訂位。可以舒舒服服咁食一餐lunch，最適合約朋友仔一齊去。