金蘭花泰國菜 (已結業)

經朋友介紹搵佐間泰國菜私房菜同女朋友開處，位置都算方便啦，係灣仔同金鐘中，我地就揀佐係灣仔地鐡站行去，貪佢一條直路唔使左穿右插樓上舖，地下街閘無鎖。上到黎地方細細但已經坐滿佐人，好在一早有BOOK 定位。成日食泰國菜，今日點菜就點得比較平淡鮮魷沙律，重料，開胃，呢個絕對係泰國菜必點開胃菜。估唔到成碟會落咁多鮮魷，相當抵食先黎係個炸蝦餅併魚餅，因為太肚餓，未影相都食佐兩舊佢每樣都四舊，夠曬分，無乜炸粉，相信都係餐廳自制，幾鮮味，幾飽滿。唔錯再黎就係個蝦膏炒通菜，呢個蝦膏味都幾重，又大蝶，相當抵食。全碟新鮮，挑過揀過，抵讚豬肉炒金邊粉，呢個係覺得最好食的一碟，雖然好似普普通通，但要控制個味道都唔簡單，好多泰國菜館都會做得好咸，反而呢間真係控制得幾好，仲落佐好多櫻花蝦，好足料一直都未食過泰國私房菜，雖然我都唔係好知何謂私房菜，但純以食物質素，呢間都算係幾用心同足料既一間泰國菜餐廳