夢樂園 (已結業)

作為一個貓奴 一知道呢間餐廳有貓店長駐場 就超級想黎食野同玩貓😍😍😍😍 餐廳係正isquare對面 位置都好方便 呢到餐牌幾特別 有台式又有川菜～ 仲有超多台式飲品選擇🧋🥤 叫咗個黑毛豬肉燥稻庭烏冬 唔好睇碗烏冬賣相好似平平無奇咁 啲醬汁撈埋個烏冬 加埋好多既蔥花其實都幾好味 朋友叫咗個魯肉飯魯肉個肥瘦比例幾適中～ 加埋啲菇煮得好入汁 幾好送飯 叫咗個花枝丸做小食 係新鮮炸起既～ 都幾好食 唔會成舊都係粉 都有好多墨魚粒粒係入面餐廳係行一個好warm既路線 周圍都有好多貓貓decorations 醫飽咗個肚就急不及待同啲貓貓玩 抱住貓店長訓係大髀真係好治癒🤤🤤 負責係上空監察既貓店長🤣🤣 呢到鋪頭細細感覺上係家庭式經營 老闆娘雖然忙都好熱心介紹幾隻貓貓既名同埋性格 都幾適合黎呢到度過一個懶洋洋同貓貓玩既下午😺😺😺