麗莎餐廳

營業中

休息中

位於佐敦嘅茶餐廳，地鐵站行過去大概5分鐘內，幾方便。中午時間有多款套餐可以揀，包括精選炒粉麵飯、麗莎特餐、還有常餐等。麗莎特餐 $55選擇咗雪菜肉絲米線、香煎雞扒同吞拿魚脆豬，飲品就揀咗熱朱古力。除咗香煎雞扒之外，都可以選擇吉列魚柳、香煎豬扒或香酥雞翼；至於如果唔食吞拿魚脆豬，都可以揀蒜蓉多士，配搭幾豐富。我幾欣賞塊雞扒煎得香脆，而且幾大塊，食完真係會飽。懷舊常餐 $48供應時段為11:30至23:00，供應嘅餐點同特餐冇咩太大分別，除咗特餐多一塊肉之外。朋友選擇咗沙嗲牛肉麵，喺餐廳推介，配搭煎雙蛋同丹麥多士，嘢飲就揀咗杏仁霜。沙嗲湯底甜甜地，啲牛肉幾入味，整體都幾抵食。