捌壹公館 (已結業)

這間位於佐敦的捌壹公館，晚市主打西餐fusion，裏面似café，但又有Cocktail酒精飲品，風格幾有特色。食物方面是中西fusion，配搭幾得意。孜然風味原隻單骨雞翼雞翼即叫即做，新鮮熱辣，炸至金黃香脆，又不會太乾。黑松露炒蛋配法式酸種包，田園沙律炒蛋十分幼滑，有淡淡黑松露香，麵包鬆軟，不過略嫌薄身，沙律菜新鮮爽脆，配上酸甜黑醋汁，十分健康。慢煮牛肋條配香煎上海年糕年糕表面煎至香脆，入口帶點軟糯，配上香濃的黑椒汁，辣香惹味，牛肋條炆煮至肉質嫩腍，入口鬆化。麻香海鮮扁意粉麻香汁有特色，入口麻味突出，海鮮有大蝦、魷魚及蜆肉，配料十足，醬汁跟意粉很夾。熱鮮奶桂花Latte淡淡桂花清香，咖啡奶味重又幼滑。