影片
更多
2022-09-02
30 瀏覽
前幾日去咗佐敦一間隱世高質串燒店，真心正，真係要介紹吓俾大家🤘🏻.點解我話佢係隱世呢？因為佢個位置我覺得有啲格攝，喺柯士甸站同埋佐敦站之間，其實柯士甸站行過去近少少🤏我嗰日去都搵咗一陣間路😅.其實佢就鋪面細細，大概有四五張枱，我同幾個朋友坐喺最岀面嗰張大枱，少逼關係坐近門個位（即係我）好容易俾個敞門刮到個背脊，所以老細都好親切咁提醒我要坐入一個位😅。個老闆同店員服務態度都好好，仲幾風趣，熱情小店加分💛同埋值得一提，佢啲枱櫈唔會好似出面一啲燒烤店咁樣好多油煙黐立立，幾乾淨㗎！.我想講重點係佢嘅出品真係好得，嚟得呢度梗係食燒烤，我同班朋友收工餓鬼出閘咁樣乜都點，總共叫咗兩大輪！第一輪抱着嘗試嘅心態，點知見佢樣樣嘢都烤得好出色，第二輪繼續喪點，搞到好似食燒烤放題咁🔥😝笑左：🔥要點名力讚佢嘅蒜蓉蟶子王，$120兩大隻，係超巨大，每一隻都勁好肉仲勁新鮮，而且佢鋪滿晒蒜蓉燒夠惹味，燒到啱啱好甩殼，真係超級鮮甜！啖啖肉真係好正！😍🔥我哋重點咗超多串燒好似牛脷，牛柳粒，雞肉條，燒雞皮，豬頸肉，雞軟骨，雞腎，牛肉金菇卷，煙肉帶子卷，自家製叉燒串等全部都燒得好Juicy一啲都唔乾，完全保持到果樣食物嘅肉汁
.
點解我話佢係隱世呢？因為佢個位置我覺得有啲格攝，喺柯士甸站同埋佐敦站之間，其實柯士甸站行過去近少少🤏我嗰日去都搵咗一陣間路😅
.
其實佢就鋪面細細，大概有四五張枱，我同幾個朋友坐喺最岀面嗰張大枱，少逼關係坐近門個位（即係我）好容易俾個敞門刮到個背脊，所以老細都好親切咁提醒我要坐入一個位😅。個老闆同店員服務態度都好好，仲幾風趣，熱情小店加分💛同埋值得一提，佢啲枱櫈唔會好似出面一啲燒烤店咁樣好多油煙黐立立，幾乾淨㗎！
.
我想講重點係佢嘅出品真係好得，嚟得呢度梗係食燒烤，我同班朋友收工餓鬼出閘咁樣乜都點，總共叫咗兩大輪！第一輪抱着嘗試嘅心態，點知見佢樣樣嘢都烤得好出色，第二輪繼續喪點，搞到好似食燒烤放題咁🔥😝笑左：
🔥要點名力讚佢嘅蒜蓉蟶子王，$120兩大隻，係超巨大，每一隻都勁好肉仲勁新鮮，而且佢鋪滿晒蒜蓉燒夠惹味，燒到啱啱好甩殼，真係超級鮮甜！啖啖肉真係好正！😍
🔥我哋重點咗超多串燒好似牛脷，牛柳粒，雞肉條，燒雞皮，豬頸肉，雞軟骨，雞腎，牛肉金菇卷，煙肉帶子卷，自家製叉燒串等全部都燒得好Juicy一啲都唔乾，完全保持到果樣食物嘅肉汁 😋配埋佢嘅沙嗲醬甚有風味！
🔥 玉子燒，墨魚丸，台灣腸，燒雞翼，魷魚🦑要乜都可以燒，同埋佢個師傅係超好手勢，令你食燒烤得來唔會覺得食得好燶同好熱氣，仲要樣樣都好食果下勁！
🔥蔬菜方面，食燒烤梗係要食燒茄子🍆，上面嘅孜然粉，再加啲佢哋自製嘅辣椒粉，個燒茄子好食到升天，另外嘅烤大啡菇，蒜蓉焗金針菇同埋娃娃菜全部蔬菜都係水嫩水嫩，唔覺得乾身，同埋我最鍾意佢多蒜😝
🔥除咗主食我哋覺得佢嘅鱈魚乾同埋雞泡魚乾都好好食，好啱送酒，可惜嗰晚我哋唔多人飲酒😝
呢間真係一間令人越食越想食嘅燒烤店，我哋一致覺得佢啲燒烤好正，所以先好放心再encore加點第二輪🤭第二輪都保持到水準，而且出菜都算快。所以整體佢呢度嘅燒烤高質，可以保留到食物嘅原汁原味，又可以做到燒烤嘅風味，最緊要真係一啲都唔覺得乾，真係高手先做到！個燒烤師傅果然好手勢🤘🏻下次如果有朋友想食燒烤啤啤佢，我都會第一時間諗起呢間咁正嘅燒烤店介紹俾佢💛😋
店名：焱燒串燒專門店 💛
地址：佐敦偉晴街81-87號翡翠閣地下B號舖
張貼
