Marco's Oyster Bar & Grill (已搬遷) 新店位置

前排係Hktvmall見到有優惠。99蚊嘆2人下午茶（另收20蚊服務費），所以就同fd去試下。雖然係聖地牙哥酒店樓下，但講真就始終唔係酒店afternoon tea,只係一般high tea. 餐廳要景無景，要氣氛又無氣氛。只是一間普普通通的西餐廳。周圍好多人又嘈。我同fd一行4人所以叫左2 sets. 一早book枱食2:30，但入座後都等左成45分鐘先上左其中一set...但上枱既時候漏左兩粒泡芙都唔知，因為見到隔離枱有所以問下d侍應，佢地都唔知，話要入廚房問下，一問問左10分鐘，我地又唔敢食先，廢事一陣誤會我地食左。後來個侍應另外用碟上番兩粒俾我地。三文魚多士，舊多士係唔脆既，好似擺左好耐咁，舊牛肉漢堡又乾又諧，另外個燉蛋呢，囗感好奇特，上面好硬，成舊啫喱糖咁，食完硬個層下面又出水……其餘既都還好啦，只能說食物品質和價格成正比。