天山小館 (已結業)

我本身唔中意食新疆菜，因為通常d羊好蘇，但經朋友介紹依間，話一定要食，就試下啦。裝修就一般啦，叫做係小店風格，晚市都多人食，通常係一家幾口咁。我見到大盤雞個名咁特別，叫左半隻食下，點知真係大盤到食唔晒。。。 因為雞下面仲有面。。。真多到呢。。好彩個味都好食，雞都嫩，而且有薯仔撈下，建議多人先好叫依碟啦。。。好少地方賣炒羊肚，我未食過，見唔貴，當炒多碟餸食。羊肚都幾香，又爽，可以一試。最後叫左碟蟲草菜心，好清。可以清下岩岩的肉味，所以用嚟調劑下岩哂啦。食左碟大盤雞真係飽哂啦，所以大家黎到一定要試羊先，再覺得唔夠先叫碟大盤雞！