コメダ珈琲店

營業中

休息中

呢間日本過江龍咖啡店，新開嘅時候非常多人排隊，一直都想黎試吓呢一度嘅咖啡，希望未去到日本旅行嘅時候都可以尋回日本嘅滋味。我嚟嘅時候係星期六早上11點左右，有機會係時間太早嘅關係，仍然未見人龍。餐廳外面擺咗一個廚櫃，裏面有一啲食物嘅倒模，似足日本嘅咖啡廳同埋餐廳擺設。由於當日仲有其他行程，所以只係點咗一杯咖啡外賣，咖啡價錢並不便宜，同其他手工咖啡店嘅價錢差不多。等咗一陣店員就已經將咖啡拎出嚟，立刻品嚐一口，與自己手沖嘅咖啡分別不大，味道正常。但呢個價位嚟講，就有一點兒失望。