影片
更多
2018-07-01
243 瀏覽
一向愛吃牛油果，雖然很多人都嫌它肥膩，但筆者就是偏偏喜歡它夠 creamy 又健康，有一種難以形容的口感及柔潤。其實本地食用牛油果不算十分普遍，只是近年健康主義抬頭，營養價值豐富的它才開始備受關注。不少人也認為牛油果「西化兼貴價」，事實上，除了新鮮食用外，各式菜餚早就以牛油果作食材，如最常見的西式三文治、沙律，還有日式的牛油果軟殼蟹壽司等，全部都屬清淡之選。早前見友人在社交平台推介這杯 Avolatte，說成品是來自灣仔星街一間清新健康果汁店「Athletic Juice & Espresso Bar」。筆者雖然並非咖啡迷，但見這杯用掏空了的牛油果外殼做容器，裝住咖啡，賣相漂亮別緻，非常之 eye catching，亦很想一試，所以趁七一假期，就特意拉埋愛喝咖啡嘅老公嚟灣仔走一趟。店址位於灣仔星街 2E 號地下，店內地方不大，以外賣為主，只設有三張高腳櫈同幾張矮身嘅木板櫈，幸好來到時幾個僅有的堂食座位還沒被人佔據，就一於坐下來飲杯咖啡。趁顧客不多，先四周看看，原來店內設有水機供應 Detox Water，據說是每天以新鮮蔬果浸製，旁邊還放有水杯，讓客人免費飲用，做法非常貼心。工作台上擺
早前見友人在社交平台推介這杯 Avolatte，說成品是來自灣仔星街一間清新健康果汁店「Athletic Juice & Espresso Bar」。筆者雖然並非咖啡迷，但見這杯用掏空了的牛油果外殼做容器，裝住咖啡，賣相漂亮別緻，非常之 eye catching，亦很想一試，所以趁七一假期，就特意拉埋愛喝咖啡嘅老公嚟灣仔走一趟。
店址位於灣仔星街 2E 號地下，店內地方不大，以外賣為主，只設有三張高腳櫈同幾張矮身嘅木板櫈，幸好來到時幾個僅有的堂食座位還沒被人佔據，就一於坐下來飲杯咖啡。
趁顧客不多，先四周看看，原來店內設有水機供應 Detox Water，據說是每天以新鮮蔬果浸製，旁邊還放有水杯，讓客人免費飲用，做法非常貼心。工作台上擺滿各式各樣嘅新鮮水果，另外植物牆前面亦擺咗幾個木箱，上面放滿可供客人外賣嘅小食，如 Popcorn，Avocado Chips 及新鮮嘅牛油果等。
先細心研究一下餐牌，除了有多款不同口味嘅 latte 之外，另外亦有 espresso drinks、organic tea、鮮榨果汁，奶昔及慢磨果汁等。
人氣咖啡牛油果 latte 是必點之物，另外亦揀了一款以雜莓炮製嘅奶昔。原來這個 Avolatte ($48) 體積不大，咖啡份量亦不多，不過墊底嘅牛油果蓉就鋪得滿滿，份量十足。先用匙舀起咖啡喝一小口，味道濃而不酸，再挖起下面嘅果肉放進牛油果內，與咖啡一起品嚐，creamy 嘅牛油果令咖啡口感更濃厚柔滑，味道和諧，非常夾配。
至於另一杯飲品就揀咗 Energy Replenisher ($55)，奶昔用上香蕉、藍莓、紅桑子及草莓等加入冰粒打成，粉紅色向來是不少女生的最愛，天然的 baby pink 令星期天都變得特別夢幻！再者，所選嘅幾款水果都含有豐富的維他命 C，加上口感非常柔滑，十分推薦。
另外店裡有輕食供應，可以用嚟配咖啡，但選擇就唔多，只有 Brownie、Croissant、Chocolate danish 同 Banana bread 幾款，不過客人惠顧任何飲品，只須 +$18 便可以換購一件，感覺化算，所以亦點了兩款試試。愛甜嘅我當然係揀 Brownie 啦，布朗尼蛋糕入口微暖，略帶濕潤，朱古力味道非常突出，鬆軟甜膩，而且入口細細咀嚼，更會嚐到堅果顆粒，超美味！
至於老公揀嘅 Banana bread 香蕉蛋糕，水準亦不俗，蛋糕吃起來一粒粒，粗糙又有口感，而且香蕉嘅香味清甜澎湃，加上入面嘅合桃碎粒，咬感十足。
其實除了Avolatte 同 Smoothies 之外，店裡的果汁，選擇亦非常擇豐，大部份都是以新鮮蔬果打成，有些甚至加入 Superfood，下次有空會再嚟試下。店子嘅營業時間，星期一至五係 0700-1900；而星期六日及公眾假期就係 0730-1930。
張貼
