哈比斯燒肉串和咖哩

營業中

休息中

疫情嚴重…最近真係食多左外賣，黎黎去去都係個啲真係有啲悶，是日就黎到Gogo Mall，食下呢間哈比斯中東菜，來點異國風味。本想點咖哩+烤餅，但店員告知大廚未返，呀呀…無緣了，店員話暫時得卷餅同炒飯，咁就食卷餅啦，呢樣都好好食。點左是日special黑椒牛排口味，連埋成個combo set都係$55，超抵食。個set包飲品一罐，揀左呢支黑罐裝spiderman pepsi，個罐好靚，飲完儲起佢先。另外跟餐仲有薯條，即炸勁香脆，份量唔少㗎。見店員好認真咁擠茄汁落個杯仔度，唔使提都主動供應，加分～主角就係呢條哈比斯卷餅啦，好大條呀，啲餡多到漏出黎。黑椒牛排已切粒，牛柳粒好重牛味，仲帶黑椒味夠香口，入面仲夾左生菜蕃茄生洋蔥等，有菜有肉感覺幾健康，點都好過餐餐涯飯盒啦。小店係Gogo mall正門電梯一上就係，超易搵。唔知係咪疫情呢，個場無乜人食野好靜，支持下小店啦。