影片
更多
2024-03-29
4085 瀏覽
朋友食齋，我search到尖沙咀原來有一間食廣東點心嘅齋舖～仲開11點，啱晒我哋我11:15 去到，已經冇位啦佢話如果12點俾返張枱佢，仲可以😌我見到咁人氣就快快脆脆叫點心🔸#素翅小籠包 素翅做餡料多咗一份清新嘅感覺，小籠包皮可以做得更薄，就唔會有 ‘立’ 口嘅感覺，但整體味道係唔錯嘅👍🔸#甘筍鹹水角🥕 造型已經非常之靚，即炸👏🏻外層皮脆卜卜，入面嘅餡料同平時嘅鹹水角味道冇分別👍🔸#懷舊布拉腸粉 腸粉皮係多咗少少油，但係食落去好滑，豉油又唔係太鹹，加上甜醬麻醬好好食🤤🔸#四寶滑雞扎 腐皮裏便包住咗大大嚿嘅雪耳，原來雪耳代替平時我哋食嘅魚肚；見到雪耳，我心諗應該麻麻地好食；一咬落去，雪耳做得極腍但又唔爛，加咗沙薑落去調味好好味，有機會仲好味過平時嘅雞扎🔸#雪山叉燒包 平時我唔會食，因為我唔想食到叉燒包裏便叉燒嘅肥肉，所以今次可以大大啖咁食#佢真係11:55嚟叫我埋單#不過我哋都食哂#做得好好嘅齋點心
仲開11點，啱晒我哋
我11:15 去到，已經冇位啦
佢話如果12點俾返張枱佢，仲可以😌
我見到咁人氣
就快快脆脆叫點心
🔸#素翅小籠包 素翅做餡料多咗一份清新嘅感覺，小籠包皮可以做得更薄，就唔會有 ‘立’ 口嘅感覺，但整體味道係唔錯嘅👍
🔸#甘筍鹹水角🥕 造型已經非常之靚，即炸👏🏻
外層皮脆卜卜，入面嘅餡料同平時嘅鹹水角味道冇分別👍
🔸#懷舊布拉腸粉 腸粉皮係多咗少少油，但係食落去好滑，
豉油又唔係太鹹，加上甜醬麻醬好好食🤤
🔸#四寶滑雞扎 腐皮裏便包住咗大大嚿嘅雪耳，原來雪耳代替平時我哋食嘅魚肚；見到雪耳，我心諗應該麻麻地好食；
一咬落去，雪耳做得極腍但又唔爛，加咗沙薑落去調味好好味，
有機會仲好味過平時嘅雞扎
🔸#雪山叉燒包 平時我唔會食，因為我唔想食到叉燒包裏便叉燒嘅肥肉，所以今次可以大大啖咁食
#佢真係11:55嚟叫我埋單
#不過我哋都食哂
#做得好好嘅齋點心
張貼
