和牛88

營業中

休息中

和牛 88 之前o係銅鑼灣搬過o黎太古地鐵站附近，知道佢仲係試業中就趁晏晝去試一試。雖然 openrice 話o係鰂魚涌，但其實近太古出口。兩點鐘倒人流唔多，枱同枱之間都唔會近，坐落感覺幾舒服。天氣好熱，就嗌咗個以前食過o既招牌燒和牛冷烏冬。上菜，除o左個 main 外，仲有漬物，味噌湯，仲有沙律。一睇個set 已感到用心，沙律菜好新鮮，而且和牛好靚亦都食得出燒味，冷烏冬都有咬口彈牙，presentation 都靚，估唔到味噌湯幾好飲，唔係死鹹。明明係有質素o既小店，希望附近o既街坊可以多啲支持啦。