Eggspectation (已結業)

好可愛既雞蛋仔，一般雞蛋仔都係加朱古力/ 芝麻/ 花生等等，老闆諗到加星星早餐，真係好有諗頭，不過地理上唔方面，都花左小小時間去搵間舖，真係要特登去食!!!遠遠都聞到蛋香，大大加分。最怕食空心雞蛋仔，依到都算足料，算算地實心，不過好可惜，外表脆，但內裡疑似唔夠熟，相反另一間好出名既媽咪雞蛋仔就唔會有甘既情況。味方面就同聞既一樣，好有蛋香，可能因為揀星星味啦，除左個樣之外，味道上唔覺有咩大分別，下次可能會試下 OREO 或者 紫菜肉鬆。包裝好靚，好有heart，唔止雞蛋仔個樣靚，個袋都花左心思去做，加分!