The Chop House (已結業)

食過樓下Jamie Oliver 甚為失望。今日就黎一層之隔既the chop house 睇下乜環境。天口未熱。就梗係坐下勾多牙。歡樂時光到八點。剩返八分鐘就唔好諗叫杯cider啦。Draught 半liter只係五十。夠抵飲。係來chop house那用刀？屠場飲強弓。真係夠黃夠暴力。唔係好餓就先叫個藍貝食下。係街食呢個真係高風險。唔係比大青口比你又唔係過熟硬過擦子膠又唔係得個殻啲肉瘦到睇唔到。呢到既係極出色！！！肉身飽滿。剛剛開殻。極度鮮甜嫩口。伴上帶雜菜小粒既湯汁。瞬間清碟。強烈推介！同時亦都呼籲乜都要熟透同以為青口應該係擦子膠口感既人千祈唔好叫同唔好唔聽叫完之後話唔熟叫廚房整熟啲。因為咁係對個廚同咁多隻藍貝既唔尊重！咁黎屠房總要食啲肉既係咪。就叫個medium patty melt burger。對不起主角被搶鏡了。包烘得香。洋蔥都焦糖化了。漢堡扒肉汁油香都豐富。可是就不夠那薯波吸引。完全係細個果時既口感同味道。薯餅般既表面。粒粒細細薯粒在內。比漢堡更搶手。