影片
更多
2004-11-05
9 瀏覽
尋晚同D朋友去食，但間野有個待應Jenny既服務態度很差。事緣係因為我地唔幫襯飲野。天與地有d drinks，Jenny就不斷sale我地飲，但係我因為有(咳)氣管炎，所以我唔想飲；而我兩位朋友都唔鐘意飲，因此我地想叫滾水。她立刻面色一變，態度好唔友善且一點笑容也沒有地說：「我地會收番你地每位HK$8的茶錢架喎！！」，我覺得無所謂，表示無問題，茶錢OK啦。但我心諗係你洗唔洗黑晒口面呀…….跟著我地叫食物，我地叫左山東手絲雞、黑醋魚、雲吞、貴花卷…….我見到有香芹牛肉麵，但係menu內有隻棘椒在旁，我唔知係代表「本店推介」定係「辣」的意思，因為我咳我驚辣所以我問她是不是棘的，她態度很不友善地說：「下！唔辣架喎！！」OK，唔辣所以我地叫左。問下係咪犯法架？洗唔洗咁串？叫完野，隔了5-10分鐘，我杯滾水仲未到，於是我再問Jenny，她居然重覆先前的語氣和對答：「我地會收番你地每位HK$8的茶錢架喎！！」我同佢講我地唔介意你收我地每人HK$8呀，我地只不過想飲水，我d朋友這時有d怒，於是問她叫乜名，可唔可以叫經理出來傾傾？她態度惡劣地說：「好呀！叫經理囉，呢d係公司規矩！！」我唔知佢指既「公司
事緣係因為我地唔幫襯飲野。
天與地有d drinks，Jenny就不斷sale我地飲，但係我因為有(咳)氣管炎，所以我唔想飲；而我兩位朋友都唔鐘意飲，因此我地想叫滾水。她立刻面色一變，態度好唔友善且一點笑容也沒有地說：「我地會收番你地每位HK$8的茶錢架喎！！」，我覺得無所謂，表示無問題，茶錢OK啦。但我心諗係你洗唔洗黑晒口面呀…….
跟著我地叫食物，我地叫左山東手絲雞、黑醋魚、雲吞、貴花卷…….我見到有香芹牛肉麵，但係menu內有隻棘椒在旁，我唔知係代表「本店推介」定係「辣」的意思，因為我咳我驚辣所以我問她是不是棘的，她態度很不友善地說：「下！唔辣架喎！！」OK，唔辣所以我地叫左。問下係咪犯法架？洗唔洗咁串？
叫完野，隔了5-10分鐘，我杯滾水仲未到，於是我再問Jenny，她居然重覆先前的語氣和對答：「我地會收番你地每位HK$8的茶錢架喎！！」
我同佢講我地唔介意你收我地每人HK$8呀，我地只不過想飲水，我d朋友這時有d怒，於是問她叫乜名，可唔可以叫經理出來傾傾？她態度惡劣地說：「好呀！叫經理囉，呢d係公司規矩！！」
我唔知佢指既「公司規矩」係什麼？係指一定要Sale人客幫襯飲品？係指如果人客要求飲水會遭受白眼？係指佢公司既服務態度只會這樣？
大佬呀！我氣管炎點飲你地果d飲品呀？！我完全唔介意你收我茶錢喎！客人唔可以按自己心意去選飲品咩？！我點解要受你待應氣先！我地欠左你咩？我地又唔係只剩飲水，我地呢餐都食左HK$352(共三位)，唔算多唔算少啦，是嗎？
結果經理果時無來過，我唔知係Jenny無叫定係經理都唔想理……
最叻係Jenny在這時收了張「意見咭」，動作不知幾敏捷，於是我朋友即時叫佢比番張咭我地填。
香芹牛肉麵來到，係有少少辣的，有無搞錯呀？！頭先問又話唔辣，我原本諗住辣我會叫走辣又或者叫第二樣野，算數，我地都費事叫佢地換！食左。
到埋單啦，經理來收錢，說：「唔好意思呀，我同事頭先表達得唔好，我地已經無收你地茶錢。」
其實我想同佢講，我地根本唔介意你地收我地茶錢，我地介意Jenny既服務態度，人客要求飲水會遭受惡劣既服務態度！？！？
我唔知佢地係咪唔憂做，所以d服務態度咁差，我未試過去食野有d咁既對待。
呢間野我唔會再幫襯！！！！！
個老闆真慘，請著d咁既服務態度既員工，倒公司米。
張貼