梨滿園韓國料理 (已結業)

朋友番左新工之後忙左好多，已經有一排冇見，今晚特登約係旺角見面，問佢想食乜，佢話最近睇左好多韓劇，心思思想食炸雞，之後就帶左我去通菜街附近既梨滿園，幾年前食過一次之後冇食過，依舊平靚正 呢間有三個放題menu，之前兩次淨係試過炸雞放題，不過我今次又心郁郁想食埋芝士蛋卷同韓國壽司 首先上既壽司，出乎意料地幾好食，同埋食得出入面用料應該幾新鮮，好快就清左一盤邪惡既芝士炸雞，將雞塊捲上熱辣辣既熱熔芝士，的確係好正仲有飽肚既蛋捲，入面係滿滿既芝士同紫菜仲有最愛既炸雞，有成五款口味，全部味都好好食而且講真新鮮炸起實冇死，最中意蜜糖同醬油味  加埋炸雞必備既白蘿蔔，解膩一流