影片
更多
2011-11-10
53 瀏覽
7月23日, 今日又嚟到炮台山附近嘅小巷食呢間tea & herb~ 雖然星期六, 但係估唔到lunch time都幾多人. 可能其實人流唔多, 不過我地都係抱住嚟hea食慢慢睇下書嘅心態, 等位都冇辦法~ 等咗10分鐘就有位喇~::: 脆蝦堡配薯餅 + 凍咖啡 ::: $98set lunch有幾款選擇, 睇到脆蝦堡個名非常吸引, 就叫呢個~ 先上一個蘑菇湯, 雖然食到d蘑菇粒, 不過蘑菇味唔太重, 比較清淡嘅味道. 麵包幾香, 不過麵包中間唔太夠鬆軟. 到脆蝦堡上枱, 可能先入為主嘅感覺, 以為係漢堡包嚟, 原來係用鮮蝦肉打成漿再拎去炸, 即係炸蝦餅~ 不過佢嘅賣相真係有心機, 底下嘅茄汁盛住圓形嘅薯茸, 薯茸上有菠菜,上面再放蝦餅, 形成一個城堡狀, 都十分貼切脆蝦堡嘅名字~ 再加上蘿蔔絲點綴, 整體顏色好豐富, 非常有層次感~ 脆蝦堡非常彈牙, 蝦肉亦好鮮味, 加上外炸脆皮非常香口惹味, 唔算係好大件不過啖啖肉好滿足~ 爭少少嘅係個脆皮下面索咗d菠菜汁就會變淋, 如果中間用其他野隔一隔就更好~ 菠菜亦正好為呢一餐帶一點健康感, 唔會淨係食肉同薯茸咁漏~ 而薯茸就咁食有少少淡,
::: 脆蝦堡配薯餅 + 凍咖啡 ::: $98
set lunch有幾款選擇, 睇到脆蝦堡個名非常吸引, 就叫呢個~ 先上一個蘑菇湯, 雖然食到d蘑菇粒, 不過蘑菇味唔太重, 比較清淡嘅味道. 麵包幾香, 不過麵包中間唔太夠鬆軟.
到脆蝦堡上枱, 可能先入為主嘅感覺, 以為係漢堡包嚟, 原來係用鮮蝦肉打成漿再拎去炸, 即係炸蝦餅~ 不過佢嘅賣相真係有心機, 底下嘅茄汁盛住圓形嘅薯茸, 薯茸上有菠菜,上面再放蝦餅, 形成一個城堡狀, 都十分貼切脆蝦堡嘅名字~ 再加上蘿蔔絲點綴, 整體顏色好豐富, 非常有層次感~ 脆蝦堡非常彈牙, 蝦肉亦好鮮味, 加上外炸脆皮非常香口惹味, 唔算係好大件不過啖啖肉好滿足~ 爭少少嘅係個脆皮下面索咗d菠菜汁就會變淋, 如果中間用其他野隔一隔就更好~ 菠菜亦正好為呢一餐帶一點健康感, 唔會淨係食肉同薯茸咁漏~ 而薯茸就咁食有少少淡, 加埋d茄汁食就啱啱好~ 整體非常唔錯, set lunch $98雖然唔算平但係食得出對食物嘅用心~
呢類西餐最怕叫凍奶茶, 因為多數d茶都唔夠濃味, 都係鍾意港式奶茶多d. 所以今次都係叫凍咖啡好d. 咖啡味唔夠濃, 加咗奶只飲到少少澀味, 普普通通.
::: 凱撒沙律 ::: $50
ceasar salad 配鮮蝦, 賣相夠晒色彩繽紛! 不過羅馬生菜唔算太爽, 撈醬汁後更開始有少少淋~ 反而蕃茄仔夠鮮甜! 蝦仁遭打橫切片, 質感同味道都要扣分, 食唔到彈牙感覺… overall salad味道唔錯, 但配料一般. 如果唔係因為減肥, 嚟呢度一定會食麵包同pasta! 沙律真係唔係主打~
食過一兩次, 環境依舊都係咁舒服, 仲有雜誌報紙睇~ 食物都keep到水準, 無論早餐, 午餐晚餐呢度都係一個好選擇~
張貼
