大瀛喜日本料理 (已結業)

好耐無同朋友嚟食放題，星期五晚，呢個場勁爆人，好彩自己醒目兩日前Book定位。我最like食串燒和炸物，是今次放題目標獵物，呢度D炸嘢幾正，唔會油淋上檯，榴槤炸蛋好食，佢都好有榴槤味，香芋丸，入面D芋蓉甜甜地，皮又脆囗，好食。芝麻雞翼食極都唔厭，香口又多汁，一口芝士風味獨特，炸生蠔香脆又蠔味，叫了好多轉，其實炸物唔算多揀，但款款都好好食。燒物如尖椒，牛舌，菠籮，蜜汁雞翼，海蝦，羊鞍都水準好，燒帶子又好鮮甜，即叫即燒，好有誠意。主食有豉椒炒蜆，好惹味，又有蟹皇海鮮炒飯(啱我要有D飯氣先夠滿足!)，翠肉瓜炒野菜，好香口爽脆。那晚的刺身質素平均，希靈魚，立魚，池魚的魚味好正，北海道帶子，劍魚也錯，反而蝦類刺身稍差。前菜有柚子大蝦沙律，海哲，枝豆等都幾正。記住留番肚食凍櫃D雪糕，雪條同甜品。我刷了勁多，食甜品都食死左。