影片
更多
2018-05-26
2055 瀏覽
都有大半年無嚟大坑依一區食飯，既然喺同識食嘅老友相聚，自然要揀啲好嘢食吓。「Warren」喺其中一家心水穩膽，因為兩年前光顧過，心中有底，知道食物有一定質素，店內氣氛好。踏進店內，屬小店格局，偌大嘅開放式廚房，用餐區呈長L形，感覺其實有點窄，還好喺氣氛頗有情調，非常適合情侶或三幾個老友聚一聚嘅用餐地方。雖然有散點，但4道菜嘅套餐喺最划算，包頭盤、餐湯、主菜及甜品，視所揀嘅主菜定價，$448-$588。再細閱餐牌，發覺原來多款前菜或主菜均加入甜品元素，例如加入泡芙或拿破崙嘅前菜，配香橙燒汁或朱古力燒汁嘅主菜、甚或做成梳乎厘，頗有新意。甜品更可+$80轉為拼盤。麵包籃落單後，侍應送上麵包籃，內裡有3款歐陸包，幾款包本身都各有特色，有烘得鬆脆嘅，有外脆內綿嘅。更特別喺啲牛油，入口幽香得緊要，因為喺自家製嘅黑松露牛油。頭盤有3款選擇，剛好我哋3個人，就唔使多懸念，叫齊3款共享，樣樣都試吓。鮮帶子黑松露泡芙既然喺賣法國菜，泡芙都採用法式嘅長形泡芙，上面放滿添加咗黑松露嘅帶子粒、青瓜粒及意大利蕃茄乾，形觀討好。帶子都喺刺身級，口感清爽，味道富層次；泡芙入口軟綿而帶煙韌，平常甜食嘅多，鹹食嘅效果都唔
踏進店內，屬小店格局，偌大嘅開放式廚房，用餐區呈長L形，感覺其實有點窄，還好喺氣氛頗有情調，非常適合情侶或三幾個老友聚一聚嘅用餐地方。
雖然有散點，但4道菜嘅套餐喺最划算，包頭盤、餐湯、主菜及甜品，視所揀嘅主菜定價，$448-$588。再細閱餐牌，發覺原來多款前菜或主菜均加入甜品元素，例如加入泡芙或拿破崙嘅前菜，配香橙燒汁或朱古力燒汁嘅主菜、甚或做成梳乎厘，頗有新意。甜品更可+$80轉為拼盤。
麵包籃落單後，侍應送上麵包籃，內裡有3款歐陸包，幾款包本身都各有特色，有烘得鬆脆嘅，有外脆內綿嘅。更特別喺啲牛油，入口幽香得緊要，因為喺自家製嘅黑松露牛油。
麵包籃
55 瀏覽
0 讚好
0 留言
鮮帶子黑松露泡芙既然喺賣法國菜，泡芙都採用法式嘅長形泡芙，上面放滿添加咗黑松露嘅帶子粒、青瓜粒及意大利蕃茄乾，形觀討好。帶子都喺刺身級，口感清爽，味道富層次；泡芙入口軟綿而帶煙韌，平常甜食嘅多，鹹食嘅效果都唔錯。
鮮帶子黑松露泡芙
41 瀏覽
1 讚好
0 留言
煎鵝肝配蘋果蓉小弟就覺得喺絕配，有時晌啲高級酒店嘅自助晚餐都會有呢個配搭，是夜再回味呢道菜，更加入埋無花果。鵝肝煎得甘香，入口豐腴盡放，配上無花果蘋果蓉，油膩感立時減半，襯埋件法包，感覺再輕盈啲。
香煎鵝肝配無花果蘋果蓉
44 瀏覽
0 讚好
0 留言
3款前菜中，以呢款「拿破崙」最得我歡心，一來兩旁伴以芒果醬及開心果醬，賣相精緻；二來酥皮超香脆，一咬咔咔聲；三來啲小龍蝦肉沾滿沙律醬，又加入意大利乾蕃茄，又爽又香口，好滋味。
小龍蝦拿破崙
40 瀏覽
0 讚好
0 留言
蕃茄清湯配龍蝦肉初以為一碗清湯出晒嚟，原來唔喺，湯碗內只有龍蝦肉，而清湯由店員以小壺倒入。感覺好神奇，啲湯明明好清，但倒出嚟嗰吓已有蕃茄香，再呷一口，堅有濃郁蕃茄味，酸香清爽。事後，梗喺問問點整法啦，原來，原理跟做法式牛肉清湯如出一轍，就喺以雞湯跟蕃茄熬起之後，再以蛋白吸走啲雜質而成，好有驚喜嘅一道菜式。
蕃茄清湯配龍蝦肉
27 瀏覽
0 讚好
0 留言
法式洋蔥湯經典就梗喺用番經典嘅做法，洋蔥濃湯、法包、芝士嘅配搭，面層放滿法包同刨咗唔少碎芝士，先嚟一陣陣芝士香，友人大讚極有水準。濃湯散發出濃香嘅洋蔥甜味，面面嘅法包索滿湯，軟綿綿又有芝士香。可見師傅嘅功夫、手勢都夠晒紮實。
輕煎西班牙黑毛豬肉眼扒配法式芥末子汁 $448主菜就各自先揀款心水，再一齊共享，小弟就揀咗西班牙黑毛豬肉眼扒，賣相貫徹法國菜嘅精緻。啲黑毛豬肉眼扒煎得色澤粉嫩，入口非常柔軟腍滑，真喺有別平常食豬扒、豬柳嘅感覺；再沾沾法式芥末子汁味道一流。而「甜品」元素，就喺除芥末子汁，肉眼上仲有嘅焦糖汁，又OK喎。
香煎西冷配朱古力燒汁 $548友人都算喺牛痴，西冷變相喺必然正選。西冷周圍都食到，但配朱古力燒汁就真喺幾搞鬼。睇外觀就知煎得五乘熟剛好，色澤保持嫩紅，卻唔會有血水滲出，咬落外層帶點焦香，內層肉質的確細緻且富肉香，配上個汁又幾夾喎，唔會有古怪嘅感覺。
香煎西冷配朱古力燒汁
27 瀏覽
1 讚好
0 留言
龍蝦米多配龍蝦梳乎厘 $588龍蝦梳乎厘，甜定鹹呢？所以，更想點一客嚟試試。整道菜其實分兩部份，一部份喺以龍蝦肉、蘑菇粒、龍蝦膏炒成再放返去半邊蝦殼內，味道濃香，好有蝦膏味道，蝦肉跟蘑菇都好爽口，掂喎。另一部份就喺加入龍蝦肉做成嘅梳乎厘，屬於鹹食，梳乎厘焗得有水準，輕盈，軟綿綿如綿花糖，混在其中嘅蝦肉亦鮮甜彈牙，好有趣嘅感覺。
龍蝦米多配龍蝦梳乎厘
35 瀏覽
1 讚好
0 留言
精選甜品拼盤 +$80我哋將其中一客甜品轉為「精選甜品拼盤」，包括咗焦糖芝士蛋糕、香濃朱古力蛋糕及雜莓雪糕球，仲加咗啲雜莓做襯托，成份拼盤靚仔晒。焦糖芝士蛋糕嘅芝士味道好濃郁，質感軟滑，最特別喺面層燒一燒加入焦糖元素；而香濃朱古力蛋糕果然夠晒香濃，朱古力味極重；雜莓雪糕球柔滑富奶香。
熱咖啡、熱檸水餐後，一杯簡單熱飲伴着，我哋繼續輕鬆暢談。今回嘅咖啡似乎失色咗少少，醇香還醇香，但奶泡稍為過多。
再嚟大坑食飯，感覺整體好似靜咗，途經唔少餐廳，望望入面都見到人客唔多。不過咁，正正啱晒我哋，因為靜靜哋方便傾偈，又食到啲高質而有心思嘅菜式，此外，整晚服務都好唔錯，最深印象喺上菜嘅同步，無論前菜、餐湯，抑或主菜，都喺3個人嘅選擇一齊上，出面好多餐廳都做唔到呀！唯主菜嘅份量方面就有少少商榷，因為大食少少嘅人真喺有啲怕唔夠食啫！
張貼
