影片
更多
2021-07-06
1801 瀏覽
今晚要做一晚孤獨嘅美食家，因為老婆要上堂，本想約老友聚一聚，但有啲私人嘢要趕，所以，食自己就會方便啲。既有一支公，唔需要就呢個嗰個，就更喺搵啲自己想食，但人哋又未必好啱食嘅嘢啦，搵吓搵吓，見到太子有檔煲仔飯「噢吧煲煲掂」，風評都幾唔錯，況且，好耐無食過煲仔飯，就食完先返歸。晌鋪面都睇到，店內嘅裝修好簡單，雖然一室鮮橙加白，好有醒目感，但全場都喺啲圓摺枱，加圓膠櫈，好有種大牌檔嘅風格，牆上仲貼咗好多食物相，不過一支公，環境就真喺無乜所謂，至緊要大熱天時有冷氣涼吓OK。其實，揀嚟呢度，都喺因為啲煲仔飯，因為真喺好耐無食過嘞。一版A4字餐牌，所有煲仔飯款式都列晒出嚟，有成十多款選擇，由$48-$78，仲可以額外加配料，每款煲仔飯都奉送老火湯。仲有另一張細餐牌，原來餐廳仲兼賣米線同一啲特色小食，同樣定價好相宜，好似啲米線咁，$29已有交易。溫馨提示，牆上貼咗張通知，請勿攜帶外嚟食物，否則照價收錢，出嚟食嘢都要彼此尊重嘅，不過，真喺見過有啲客，自覺以為使錢就大晒！無論食煲仔飯，還是車仔米線，雖然無包嘢飲，但汽水每罐都喺賣$6，食水算唔深。西柚梳打 $6食熱辣辣嘅煲仔飯，配罐汽水感覺就最爽架喇，加
晌鋪面都睇到，店內嘅裝修好簡單，雖然一室鮮橙加白，好有醒目感，但全場都喺啲圓摺枱，加圓膠櫈，好有種大牌檔嘅風格，牆上仲貼咗好多食物相，不過一支公，環境就真喺無乜所謂，至緊要大熱天時有冷氣涼吓OK。
其實，揀嚟呢度，都喺因為啲煲仔飯，因為真喺好耐無食過嘞。一版A4字餐牌，所有煲仔飯款式都列晒出嚟，有成十多款選擇，由$48-$78，仲可以額外加配料，每款煲仔飯都奉送老火湯。
仲有另一張細餐牌，原來餐廳仲兼賣米線同一啲特色小食，同樣定價好相宜，好似啲米線咁，$29已有交易。
溫馨提示，牆上貼咗張通知，請勿攜帶外嚟食物，否則照價收錢，出嚟食嘢都要彼此尊重嘅，不過，真喺見過有啲客，自覺以為使錢就大晒！
無論食煲仔飯，還是車仔米線，雖然無包嘢飲，但汽水每罐都喺賣$6，食水算唔深。
西柚梳打 $6食熱辣辣嘅煲仔飯，配罐汽水感覺就最爽架喇，加上有心水嘅玉泉西柚梳打，正呀喂。一口熱辣辣嘅有味飯，一口冰涼清爽嘅梳打，無得彈啦。
紅蘿蔔菜乾煲瘦肉無刻意問喺咩老火湯，單純撈一撈有咩料就叫咩湯，老實講，個湯真喺勁足料，入口香濃，感覺夠晒老火。
田雞煲仔飯 $78想食新鮮熱辣嘅煲仔飯喺要俾啲耐性，店員話所以煲仔飯都喺即點即做，永無貪快做家一半，所以，整煲送上枱時，真喺熱氣逼人。
一打開蓋，田雞、冬菇都鋪滿晒晌飯面，店員再跟手淋上甜鼓油，嘩！香氣十足。田雞肉質好嫩滑，冬菇夠晒厚肉，而飯粒煮得好好，軟綿綿，飯粒分明，配上咗甜鼓油故然更好食，最正喺飯底下外仲有少少脆口嘅飯焦，師傅控制火喉非常好。
田雞煲仔飯
$78
45 瀏覽
0 讚好
0 留言
上文都講過煲仔飯款式好多，可惜今次得一個嚟，有機會同多幾個人嚟，就可以試到多啲款式。順帶一提，咪睇佢大牌檔格調咁款，店員卻好有禮貌，做事都感覺快手。
張貼
