大一海鮮火鍋料理 (已搬遷) 新店位置

夏日火火亦無阻我同朋友打邊壚既心，，經朋友介紹話呢間好好食，又就腳，即時要訂定台，即晚食。野菌湯就試得多，加埋黑松露，呢個新嘗試好特別，原來都幾岩打邊壚。另外叫左碟手切安格斯肥牛，肥瘦岩岩好，肉味好濃，食到停唔到口。呢個椒鹽粟米都好岩餐前食下，又香口，粟米又爽口。魚三角，新鮮，肉又滑，連我唔食魚都搶住同我朋友食。黑松露餃同雲吞都皮薄餡靚，味道濃，值得推介。牛丸同墨魚丸都好彈牙，應該係手打，墨丸魚好新鮮，有食海鮮既感覺。油炸鬼原來用嚟打邊爐都好好食，講起都想再食，蝦膠都好彈牙。